Om

Sprelske runddansar frå heile landet med Strengjarhaugen spelemannslag.

Strengjarhaugen spelemannslag er ei gruppe unge folkemusikarar som alle studerer ved Ole Bull Akademiet på Voss. Dei tek tradisjonsmusikken inn i ei ny tid, og gir oss ein konsert med stor variasjon i uttrykk og bruk av ulike instrument. Gamle dansar og viser blir som nye, inspirert både av moderne musikkuttrykk og av dei solide tradisjonsberarane som studentane har som førebilete og læremeistrar.

Det vil bli samspel i ulike konstellasjonar, soloinnslag og sjølvsagt innslag med heile spelemannslaget. Kom og la deg rive med av ung speleglede og energi!